Sunday, January 17, 2021

ప్ర‌జ‌లే మా బ‌లం. ప్ర‌జ‌ల ప‌క్షం మా అక్ష‌రం.
ప్ర‌శ్నిద్దాం, నిల‌దీద్దాం

కుల‌మ‌తాల‌కు వంగ‌కుండా, రాజ‌కీయాల‌కు లొంగ‌కుండా, అవినీతి, అక్ర‌మాల‌ను బ‌య‌ట‌పెట్ట‌డానికి, నిష్ప‌క్షపాతంగా వార్తా ప్ర‌సారాల‌ను ప్ర‌జ‌ల‌కందించాల‌నే ఉద్దేశంతో పురుడుపోసుకుందే యుఐబీ మీడియా మీకు ఎటువంటి స‌మ‌స్య వ‌చ్చినా మీరు మ‌మ్మ‌ల్ని సంప్ర‌దించండి. మీ ఆలోచ‌న‌ల‌ని మాతో పంచుకోండి. మీ వార్త‌ల‌ను మేం ప్ర‌సారం చేస్తాం.మీ నీడ‌గా ఉంటాం. మీకు అండ‌గా నిలుస్తాం. వాట్సాప్ 8142950999
Home Blog Page 2

సీఏఏ రద్దు కోసం ఉద్ధృతంగా పోరాడతాం: ప్రకాశ్‌రాజ్‌

0

పౌరసత్వ సవరణ చట్టాన్ని (సీఏఏ) రద్దు చేసే వరకు పోరాడతామని, ఈ క్రమంలో తుపాకీ గుండ్లు కురిపించినా వెనక్కి తగ్గేది లేదని సినీ నటుడు ప్రకాశ్‌రాజ్‌ తెలిపారు. యంగ్‌ ఇండియా సమన్వయ కమిటీ హైదరాబాద్‌ విభాగం ఆధ్వర్యంలో సోమవారం హైదరాబాద్‌ ధర్నాచౌక్‌లో సీఏఏ, ఎన్నార్సీ, ఎన్పీఆర్‌లకు వ్యతిరేకంగా బహిరంగ సభ నిర్వహించారు. దీనికి ముఖ్యఅతిథిగా హాజరైన ప్రకాశ్‌రాజ్‌ మాట్లాడుతూ.. దేశవ్యాప్తంగా జరుగుతున్న పోరాటాలను మరింత ఉద్ధృతం చేయాలని పిలుపునిచ్చారు. ప్రధాని మోది రాజనీతిశాస్త్రంలో పట్టభద్రుడని చెబుతారే తప్ప ఏనాడు పట్టా కాగితం చూపించలేదని విమర్శించారు. ప్రజలను మాత్రం ధ్రువీకరణపత్రాలు చూపించాలని దబాయిస్తున్నారన్నారు. సియాసత్‌ దినపత్రిక సంపాదకుడు అమీర్‌ అలీఖాన్‌ మాట్లాడుతూ.. సీఏఏపై సుప్రీంకోర్టు తీర్పు కోసం వేచి చూస్తున్నట్లు తెలిపారు.

Please #Share & #Subscribe
Please Visit UIB Media For Live Updates

మద్యం ప్రియులకు షాకింగ్

0

తెలంగాణలో మునిసిపల్ ఎన్నికల ప్రచారం సోమవారం సాయంత్రం 5.00 గంటలకు ముగిసిన విషయం తెలిసిందే. అన్ని రాజకీయ పార్టీలు తమ ప్రచారాన్ని ఫుల్‌జోష్‌తో కొనసాగించాయి. ప్రచారం గడువు ముగిసిన అనంతరం.. ఎలాంటి ప్రచార కార్యక్రమాలు కానీ.. సభలు కానీ నిర్వహించొద్దని.. సభా సమావేశాలకు అనుమతి కూడా లేదని ఈసీ ప్రకటించింది. సోషల్ మీడియా, బల్క్ ఎస్సెమ్మెస్‌లు, వాట్సాప్, మరే ఇతర సాంకేతిక సాధనాల ద్వారా కూడా ప్రచారం నిర్వహించొద్దని సూచించింది.

అయితే ఈ క్రమంలో బుధవారం సాయంత్రం ఎన్నికలు ముగిసే వరకు.. మద్యం షాపులను మూసివేయనున్నట్లు ఎక్సైజ్ శాఖ ప్రకటించింది. 22వ తేదీ సాయంత్రం 5.00 గంటల వరకు.. మునిసిపల్ ఎన్నికలు జరుగుతున్న ప్రాంతాల్లోని వైన్ షాపులు మూసివేస్తున్నట్లు సోమవారం ఓ ప్రకటన విడుదల చేసింది. నిబంధనలు ఉల్లంఘించిన షాపులపై కఠిన చర్యలు తీసుకుంటామని హెచ్చరికలు జారీ చేసింది.

Please #Share & #Subscribe
Please Visit UIB Media For Live Updates

నడిరోడ్డుపైనే ప్రసవించిన గర్భిణి

0

అంబులెన్సులు సకాలంలో రాకపోవడంతో ఓ మహిళ నడిరోడ్డుపైనే ప్రసవించాల్సిన పరిస్థితి తలెత్తింది. ఆదిలాబాద్‌ జిల్లా సిరికొండ మండలంలోని వాయిపేట్‌ గ్రామానికి చెందిన గుండాల రాధ గర్భిణి. ఉదయం 8 గంటల సమయంలో పురిటి నొప్పులు మొదలవడంతో ఏఎన్‌ఎం సుశీలకు సమాచారమిచ్చారు. ఆమె ఐటీడీఏ ‘అవ్వాల్‌’ వాహన సిబ్బందిని సంప్రదించగా, నెల రోజులుగా డీజిల్‌ లేక వాహనం నడవడం లేదని వారు సమాధానమిచ్చారు. తర్వాత 108 అంబులెన్స్‌కు ఫోన్‌ చేయగా, అదీ అందుబాటులో లేదు. దీంతో కుటుంబ సభ్యులు ప్రైవేటు వాహనంలో గర్భిణిని ఆసుపత్రికి తరలిస్తుండగా, సిరికొండ సమీపంలో నొప్పులు ఎక్కువయ్యాయి. రోడ్డుపైనే అదే వాహనాన్ని అడ్డుపెట్టి, చుట్టూ చీరలు కట్టి కుటుంబ సభ్యులే ప్రసవం చేశారు. మగబిడ్డను ప్రసవించిన ఆమెను ఇంద్రవెల్లి మండలం పిట్టబొంగరం పీహెచ్‌సీకి తీసుకెళ్లారు

Please #Share & #Subscribe
Please Visit UIB Media For Live Updates

మంగుళూరు ఇంటర్నేషనల్ ఎయిర్ పోర్టులో బాంబు కలకలం

0

దేశవ్యాప్తంగా రిపబ్లిక్ డే వేడుకలకు సిధ్దమవుతున్నవేళ అవాంఛనీయ సంఘటనలు జరుగకుండా భధ్రత కట్టుదిట్టం చేస్తున్నారు. అయినా కొన్ని చోట్ల సంఘ వ్యతిరేక శక్తులు అలజడి సృష్టించటానికి సిధ్దమవుతూనే ఉన్నాయి. మంగుళూరు ఇంటర్నేషనల్ ఎయిర్ పోర్టులో బాంబు కలకలం రేపింది. టికెట్ కౌంటర్ వద్ద అనుమానాస్పద స్ధితిలో ఉన్న బ్యాగును పోలుసులు గుర్తించారు. దాన్ని తనిఖీ చేయగా అందులో పేలుడు పదార్ధాలు ఉన్నట్లు గుర్తించారు. వెంటనే బాంబు నిర్వీర్యం చేసే సిబ్బందికి సమాచారాన్ని అందించారు.

బాంబ్ డిస్పోజల్ స్క్వాడ్ వారు వచ్చి బ్యాగును తనిఖీ చేయగా ఆ బ్యాగులో ఐఈడీ పేలుడు పదార్థం ఉన్నట్టుగా అనుమానించారు. వెంటనే బ్యాగ్‌ను అక్కడినుంచి థ్రెట్ కంటైన్మెంట్ వెహికల్‌లో ఉంచి, 2కిలోమీటర్ల దూరంలో కెంజార్‌లోని బహిరంగ స్థలానికి తీసుకెళ్లి పరిశీలించారు. ఆ బ్యాగ్‌లో మెటల్ కాయిన్ బాక్స్ ఉందని, అందులో పేలుడు పదార్థం, లోహపు ముక్కలు ఉంచారని పోలీసులు తెలిపారు. వెంటనే దాన్ని ఇసుక మూటల మధ్య ఉంచి పేల్చి వేశారు. దీంతో పెను ప్రమాదం తప్పింది.

Please #Share & #Subscribe
Please Visit UIB Media For Live Updates

ఆవు అంబా అనే అరుపు వెనుక అసలు అర్ధం ?

0

ఆవులు అంబా అని పిలిచే పిలుపు కేవలం తల్లి కోసమే కాదు వాటి వాటి భావాలని తోటి ఆవులతో పంచుకోవడానికి, అంటే మాట్లాడుకోవడానికి ఉపయోగించుకుంటాయట.ఈ విషయంలో లోతైన పరిశోధనలు చేసిన శాస్త్రవేత్తలు కొన్ని విషయాలని బయటపెట్టారు. యూనివర్సిటీ ఆఫ్ సిడ్నీ శాస్త్రవేత్తలు ఆవుల అరుపులపై అధ్యయనం చేశారు. వాటి అరుపులలో భావాన్ని తెలుసుకోవానికి గూగుల్ ట్రాన్స్లేట్ వంటి ఓ పరికరాన్ని తయారు చేసిన ఉపయోగించారు.ఆవులు అంబా అని అరుస్తాయి కాని వాటి భావోద్వేగాలని బట్టి ఆరుపులో తీవ్రతలు ఉంటాయట.

ఆ తాలుకూ అరుపులు కేవలం తోటి ఆవులకి మాత్రమే అర్థమవుతాయని తెలిపారు. కోపాన్ని, సంతోషాన్ని, దుఖాన్ని ఇలా ప్రతీ స్పందనకి అరుపుల్లో తేడాలు ఉంటాయని తెలిపారు. ఈ క్రమంలోనే సుమారు 350 అవులపై ప్రయోగాలు చేసిన వాటి అరుపులు రికార్డ్ చేసిన శాస్త్రవేత్తలు వాటి అరుపుల్లో తేడాలని స్పష్టంగా గమనించారట. అంతేకాదు ఎక్కువ మొత్తంలో ఆవులు ఉన్నా ఏ ఆవు అరిచిందో కూడా అవి ఇట్టే పసిగట్టగలవని అంటున్నారు..

 

Please #Share & #Subscribe
Please Visit UIB Media For Live Updates

వైసీపీలో పెరుగుతున్న ఆధిపత్య పోరు కర్రలతో దాడి

0

ఏపీలో అధికారంలో ఉన్న వైసీపీలో అంతర్గత ఆధిపత్య పోరు ఎక్కువవుతోంది. తాజాగా అనంతపురం జిల్లాలో వైసీపీకి చెందిన రెండు వర్గాల మధ్య తీవ్ర ఘర్షణ చోటుచేసుకుంది. ఈ ఘటన పుట్లూరు మండలం గరుగుచింతలపల్లిలో జరిగింది. పెద్దిరెడ్డి, భోగతి నారాయణరెడ్డిల మధ్య జరిగిన ఘర్షణ పరస్పర దాడులకు దారి తీసింది. ఇరు వర్గీయులు కర్రలతో కొట్టుకున్నారు. ఈ ఘటనలో నలుగురికి తీవ్ర గాయాలు కాగా, ముగ్గురి పరిస్థితి విషమంగా ఉంది. ఘటన నేపథ్యంలో గ్రామంలోని పరిస్థితి ఉద్రిక్తంగా ఉంది. ఉద్రిక్తతలు మరింత పెరుగుతాయేమోనని గ్రామస్తులు భయపడుతున్నారు.

Please #Share & #Subscribe
Please Visit UIB Media For Live Updates

మున్సిపల్ ఎన్నికలలో మరో ఆసక్తికర సన్నివేశం టీడీపీ తరపున ప్రచారం చేస్తున్న టీఆర్ఎస్

0

తెలంగాణ మున్సిపల్ ఎన్నికల నేపథ్యంలో, టీఆర్ఎస్ పార్టీకి సంబంధించి పలు ఆసక్తికర సన్నివేశాలు చోటుచేసుకుంటున్నాయి. టికెట్లు ఆశించి భంగపడ్డ నేతలు… మా తడాఖా చూపిస్తాం కాచుకోండంటూ రెబెల్స్ గా బరిలోకి దిగుతున్నారు. వికారాబాద్ మునిసిపాలిటీలో మరింత ఆసక్తికర ఘటన కొనసాగుతోంది. ఓ టీడీపీ అభ్యర్థి తరపున టీఆర్ఎస్ నేతలు ప్రచారం చేస్తున్నారు.

వివరాల్లోకి వెళ్తే, స్థానిక టీఆర్ఎస్ సీనియర్ నేత రామయ్యకు కాకుండా మరో అభ్యర్థికి బీఫామ్ ఇచ్చారు. దీంతో, ఆయన వర్గీయులంతా టీడీపీ అభ్యర్థి చొప్పరి యాదయ్యకు మద్దతు పలికారు. ఆయన తరపున ప్రచారం నిర్వహిస్తున్నారు. ఈ సందర్భంగా రామయ్య మాట్లాడుతూ, టీఆర్ఎస్ లో తమకు గుర్తింపు లేకుండా పోయిందని మండిపడ్డారు. ఎమ్మెల్యే మెతుకు ఆనంద్ నిర్ణయాన్ని వ్యతిరేకిస్తూ టీడీపీకి మద్దతు ఇస్తున్నామని చెప్పారు.

Please #Share & #Subscribe
Please Visit UIB Media For Live Updates

టీఆర్ఎస్ కు ఓటు వేస్తేనే అభివృద్ధి సాధ్యం – ఎర్రబెల్లి

0

తెలంగాణ మున్సిపల్ ఎన్నికల నేపథ్యంలో అన్ని పార్టీలు ప్రచారాన్ని ముమ్మరం చేశాయి. ఈ ఎన్నికలను అన్ని ప్రధాన పార్టీలు ప్రతిష్టాత్మకంగా తీసుకున్నాయి. ఈ క్రమంలో, ఓటర్లను ఆకట్టుకునేందుకు అన్ని అస్త్రాలను వినియోగిస్తున్నాయి. ఈ నేపథ్యంలో, మహబూబాబాద్ జిల్లా తొర్రూరులో ఓటర్లను ఉద్దేశించి మంత్రి ఎర్రబెల్లి దయాకర్ రావు ఆసక్తికర వ్యాఖ్యలు చేశారు.

మీరు ఎవరికి ఓటు వేసినా తనకు తెలిసిపోతుందని ఎర్రబెల్లి వ్యాఖ్యానించారు. వేరే పార్టీకి ఓటు వేసి ఆ తర్వాత బాధపడితే లాభం లేదని… పొరపాట్లకు తావివ్వకుండా రాష్ట్ర అభివృద్ధికి పాటుపడుతున్న టీఆర్ఎస్ కే ఓటు వేయాలని కోరారు. టీఆర్ఎస్ కు ఓటు వేస్తేనే అభివృద్ధి సాధ్యమని చెప్పారు. టీఆర్ఎస్ ను గెలిపిస్తే… ఎవరికి ఎలాంటి కష్టం వచ్చినా కంటికి రెప్పలా కాపాడుకుంటానని అన్నారు. ముఖ్యమంత్రి కేసీఆర్ దయతో మంత్రిని అయ్యానని… మరో నాలుగేళ్లు పదవిలో కొనసాగుతానని చెప్పారు. తాను చేయాల్సిన అభివృద్ధి ఎంతో ఉందని… టీఆర్ఎస్ ను గెలిపించడం ద్వారా అందరూ తనకు సహకరించాలని విన్నవించారు.

Please #Share & #Subscribe
Please Visit UIB Media For Live Updates

ఏపీలో దూకుడు పెంచుతున్న బీజేపీ పార్టీ బలోపేతం దిశగా అడుగులు

0

ఏపీ రాజకీయాలు ఆసక్తికర మలుపులు తిరుగుతున్నాయి. జాతీయ పార్టీ బీజేపీ దూకుడు పెంచుతోంది. ఇప్పటికే జనసేనతో చేతులు కలిపి పార్టీ బలోపేతానికి ముందడుగు వేసింది. కాపు సామాజికవర్గానికి చేరువ కావడానికి అడుగులు వేస్తోంది. తాజాగా కాపు రిజర్వేషన్ల ఉద్యమ నేత ముద్రగడ పద్మనాభంతో బీజేపీ ఎమ్మెల్సీ సోము వీర్రాజు భేటీ అయ్యారు. ఈ సందర్భంగా బీజేపీ, జనసేనల పొత్తు, రాష్ట్ర రాజకీయ పరిస్థితులపై ఇరువురు నేతలు లోతుగా చర్చలు జరినట్టు సమాచారం. కాపు నేతగా కోస్తాంధ్రలో ముద్రగడకు మంచి పట్టు ఉంది. ఈ నేపథ్యంలో, ఆయన బీజేపీలో చేరితో పార్టీకి మరింత బలం పెరుగుతుందనే యోచనలో ఆ పార్టీ ఉన్నట్టు తెలుస్తోంది. మరోవైపు ముద్రగడ, సోము వీర్రాజుల భేటీ రాజకీయంగా ప్రాధాన్యతను సంతరించుకుంది.

Please #Share & #Subscribe
Please Visit UIB Media For Live Updates

రెండు సెలెక్టర్ పోస్టులకు బీసీసీఐ నోటిఫికేషన్

0

రెండు సెలెక్టర్ పోస్టులకు బీసీసీఐ నోటిఫికేషన్

దరఖాస్తులకు ఆఖరు తేదీ జనవరి 24

బీసీసీఐ సీనియర్ సెలెక్షన్ ప్యానెల్ లో మార్పులు జరగనున్నాయి. చీఫ్ సెలెక్టర్ ఎమ్మెస్కే ప్రసాద్, సెలెక్టర్ గగన్ ఖోడాల పదవీకాలం ముగియడంతో కొత్త సెలెక్టర్ల కోసం బీసీసీఐ ప్రకటన ఇచ్చింది. సెలెక్టర్ పదవి కోసం దరఖాస్తు చేసుకునే అభ్యర్థులకు నియమావళి కూడా ప్రకటించారు. సీనియర్ సెలెక్షన్ కమిటీ సభ్యుల వయసు 60 ఏళ్ల లోపు ఉండాలి. కెరీర్ లో కనీసం 7 టెస్టులు కానీ, 30 ఫస్ట్ క్లాస్ మ్యాచ్ లు కానీ ఆడిన అనుభవం ఉండాలి. లేదా, 10 వన్డేలు కానీ, 20 ఫస్ట్ క్లాస్ మ్యాచ్ లు కానీ ఆడిన అనుభవం ఉండాలి. ఐదేళ్ల కిందట, లేదా అంతకుముందే క్రికెట్ కు గుడ్ బై చెప్పినవాళ్లే అర్హులు. దరఖాస్తులు పంపుకోవడానికి ఆఖరు తేదీ జనవరి 24. కాగా కొత్త సెలెక్టర్లను ఎంపిక చేయడానికి క్రికెట్ సలహా సంఘం ఏర్పడాల్సి ఉంది.